又係li首國歌?!

今日又係返4點, 可以唔駛較鬧鐘, 真係開心! 不過琴晚唔係瞓得咁好, 成晚都發D體操呀, 做翻譯既夢, 搞到勁費神咁, 今朝起身覺得好累...

場館既報紙「國風」想訪問我, 其實佢地想訪問外國志願者, 但又唔想用英文, 所以就搵左我啦...哈哈。其實個過程幾開心, 都係大家傾下計咁, 講下大家做野時觀察到既野, 又講下對國內外傳媒既睇法。不過唔知點解最後會冇啦啦問一條...你有冇男朋友 (兩個記者都係女仔)

今日D飯唔知點解又唔同左呀, 都係飯盒咁, 但係D飯就壓到好實, D餸都麻麻地好食, 大家係用辣椒醬, 炸菜, 雪菜送飯咁。

今日有4場比賽, 男子吊環, 女子高低槓, 男子跳馬同埋女子繃床, 除左男子跳馬之外, 都有中國選手衝金! (事關李小鵬有少少傷, 所以冇練到第二跳, 於是就唔能夠參加跳馬決賽啦) 我今日仍然係負責跟男子嘅。

第一項係吊環, 初初有D擔心, 因為陳一冰係男子全能決賽時手腕有D傷, 唔知會唔會影響到佢既表現。楊威首先上場, 有少少出乎意料咁好, 結果拎到面銀牌。陳一冰真係好勁呀!! 佢係吊環上既姿勢仲正過我係地上既姿勢呀!! 落地都幾好, (單項比賽時, 每一個運動員比完都會放音樂) 大會竟然播左句「迎接光輝歲月」!! 分數一出時大家都拍爛手掌呀!

而家都冇咩要採訪咁, 因為D中國運動員唔會係Agency Area停, 直接行去中國記者區咁, 果邊有另外兩個中國志願者take notes. 陳一冰真係好可愛, 不過佢竟然係矮過我, 得160. 其實大部份體操運動員都矮過我, 搞到而家好有自信咁tim :P

等楊威同陳一冰落黎press mixed zone嘅時候大家都係電視到睇高低槓比賽, 何可欣今日好成功咁完成晒佢D動作, 只係落地向前踏左一小步。之後美國既Nastia Liukin就同佢同分, 大家又再次好迷茫, 因為佢地兩個難度分一樣, 咁點知分勝負呢...原來係張b-score之前被減去既最高同最低分加番入黎, 咁樣何可欣就係第一名啦。之後採訪緊陳一冰既時候, 又突然larp到楊伊琳嘅落地非常之好, 唔知佢會唔會再高分d呢...

返到office就知道楊伊琳拎左銅牌, 頒獎嘅時候, 我地個外藉supervisor搞鬼咁講左句, 我地又聽li首國歌啦...嗯, 男團, 女團, 男子個人全能, 男子自由體操, 鞍馬, 吊環...高低槓已經係7面金牌啦 (諗到li到又dun程菲唔抵)

之後上返去press tribune睇跳馬, 又有一兩個人落地跌低左, 仲有個差D撞埋D評判到tim. 最後由一個波蘭選手贏, 已經係佢第3次參加奧運, 所以都dun佢開心呢。第二名係法國, 第三係俄羅斯, 全部都要用翻譯, 所以li round就冇野做lu

最後一項係女子繃床, 都係咁岩larp到俄羅斯既選手好似彈出左將床, 同埋中國選手何雯娜順利完成 (我地個中國supervisor係到數住個果10跳)
由於個Uzbekistan選手爆冷贏左銅牌 (預賽只得第8名) 所以我就冇啦啦被踢入去採訪, 仲要帶住3個翻譯。其實我都唔知點解有3個, 有一個呀叔係Moscow讀左7年書所以佢既Russian好勁, 另外兩個學生就認真唔掂, 個男仔仲要齌聽唔take notes tim ar, 激死人!

之後又幫去完記者會既人copy take+翻譯, 有個識波蘭話既同學話好佩服我, 點解可以日日都係到咁翻譯法, 嘻嘻! 10點左右就放工啦, 仲有旅遊巴車我地返去, 真係舒服~

夜D又發生左件趣事, Whitney打黎話Eric漏左部電話係車, 個的士司機打左俾Carolina, 佢地而家係校門外, 但個司機唔肯俾部電話佢地, 叫我落去幫手。落到去, 個司機話Eric返緊黎 (Eric個朋友打左俾個司機), 佢地要親手交俾佢, 之後又見Carolina係佢地本薄到寫thank you note, 又送美國旗仔, 又送pins. Carolina話佢地打黎時, 佢衝落front desk叫D人幫佢問咩事, 佢地就話要用個present交換番個電話wor, 又提議係American flag...真係好random

咁當我地等Eric返黎既時候, d司機突然又話想要登報表揚定係唔知咩, 我都唔知佢想要咩「報」, 又話佢地由9點幾等到而家, 又專登趕過黎, 又講佢地係邊間的士公司, 我都搞唔清楚佢係咪想要報酬。

Eric返到黎既時候先知原來佢地唔係要錢, 係想同佢影相?! 唔知係咪登係D newsletter到, 講佢地點樣幫外國遊客gwa...幫佢地揸機個同學愈搞愈興奮, 瘋狂咁影相, 笑死我地。Eric又走去hug果兩個的士司機, 總之成件事就笑死人啦。跟住Eric又攬下我地li d幫過佢既人, 有個人就話front desk ladies都有幫手, 企圖引導佢爬過張枱去攬佢地, 不過計劃失敗左:P

又係時候瞓啦, 希望唔好再咁發夢啦~