Aug 1 訪問運動員

介紹下我地既飯食先, 自從大批中國志願者開始一齊係國家體育館training我既每日就變左食li d 微波爐午餐啦

就係咁lor, 有7隔餸(一舨只有2-3個放得落口), 飯, 湯(似係有D菜浸係水入面咁), 野飲同水果

咁岩影相li一日係有史以黎最難食既一日

中國人已經覺得係咁, 美國人更加慘...
唔記得影每張枱中間都有既辣椒醬同炸菜絲, 每餐飯都會俾人掃晒, 咁大家就可想然之D餸有幾咁「好味」啦~
食完飯D垃圾要分類, 分Food Waste, Recyclables and Other Waste

中國而家通街都係分類垃圾桶, 同到底最後係咪真係有分類循環再用就真係冇人知啦 :P

今日下晝有D運動員入黎train, 咁我地就開始我地既採訪工作啦。不過每次只可以有兩個人入去, 所以大部份人都仲係呆坐office.

下晝我有機會入training ground la! 其實本身都唔打算去, 反正我都係做copy taking, 但有一個空位我咪跟埋入去lor, 都係諗住係旁邊聽下ga ja.

我個同學本身係去採一個克羅地亞選手, 點知li個匈牙利選手突然又行入黎, 仲放低D野係我地隔離tim!! 返office check下佢既資料, 原來佢都ok勁, 係vault同floor都入過前3名, 咁我地就決定採訪埋佢啦。

係訓練館入面可以好近距離咁睇到d運動員練唔同既項目, 有D仲唔著衫練, 佢地D好勁既肌肉點樣郁都睇得一清二楚。同埋佢地都隨意咁換衫褲, 有時都幾尷尬...

有D緊張呀, 所以都係逼我同學開聲問佢願唔願意接受訪問, 我地又肯定佢個名點讀wor (佢叫Robert Gal, 但係歐洲應該唔係平時咁讀, 可能係row-beart咁) 所以都係excuse me, sir咁...哈哈

問would you be able to answer a few questions既時候, 佢有少少惡咁答yes, 但係一開始問佢問題時, 佢就open up有講有笑咁, 第一之interview就遇到個咁nice既運動員真係好啦。佢係最後一次參加奧運會啦, 希望佢會拎到好成績啦。

雖然今日搞到5點幾先走, 但由於真係有accomplished到一D野, 所以心惰都幾好, 加上一行出去發現今日天氣好好呢!! 非常難得!!