體操管今日上演男子團體初賽, 雖然我係返14:00-19:30果個shift, 但都早少少返去睇下美國男隊, 哈哈, 知己知彼百戰百勝呀嘛!!
係14:00果個section開始前, 我地已經被分配好跟邊一隊同埋邊一個運動員, 我而家都唔知記當時我係跟邊個ga la, 係中國隊既...haha~~到差唔多時間我地就著件NIS bib (背心)出發去上層既press tribune睇比賽 (就好似8月7號個podium training咁)
中國男子隊出場啦, 現場個氣好正!! 尤其係李小鵬出場時, 全場大叫:「李小鵬, 加油!」好震撼!! (唉, 事隔咁耐先寫番blog..都唔記得佢地表現如何lu... 印象中都係一切都唔錯, 冇嚴重失誤, 各人D分數都夠佢地係D單項到入決賽。
最有印象都係陳一冰既雙環, D姿勢真係靚到啊~~ 佢係雙環上仲企得直過我係地上企呀!!
由於今日係初賽, 有D運動員係完成晒自己D項目之後就會離開個比賽場地, 未必等齊D隊友, 所以都要好醒目咁check住D賽程。
佢地完左之後就會行過li個mixed zone (相係7月影既, 當時都未佈置好), 就係俾唔同既文字記者採訪既地方。Mixed zone既工作人員會劃分唔同既區域, 分便記者同埋運動員進行interview。右上角個area就係採訪中國運動員既地方啦~~次次都係逼到郁唔到!!我被派去Agency cage果到, 就係mixed zone既門口, 俾4大新聞網絡-AP, AFP, Reuters同埋新華社-獨家採訪既地方。我地NIS可以派兩個人入去, 但就唔準問問題, 只可以聽同take notes。
根據我以前寫落既note, 我地差D全部走甩黃旭, 哈哈, 都唔記得咩事lu, 大概係已經好混亂採訪緊太多人以致差D由得佢溜走左掛~
當我地take好晒D採訪notes後, 就會跑番去office將D quotes打落個system到, 當然, 我地採訪中國運動員仲要將D quote譯番做中文先啦~始終official language係英文!
我都有留意住Robert (我同Chris之前係practice days採訪過既匈牙利選手), 不過只係睇到佢既parallel bar (雙槓), 雖然唔係佢既主項目, 但都唔洗樣衰到勾到腳gar =P 之後就因為要採訪就冇睇到佢既floor routine (自由體操)--佢既主項目, 不過後尾check番D score都知佢入唔到決賽--D難度分俾人提高左太多, 佢個傷又岩岩好番...哈哈, 睇下我對一個大家都唔知係邊個既運動員幾熟~~
之後都有留得睇埋最後一round既初賽, 順便都可以幫下手做翻譯, 跟住就跑去搭11點班shuttle bus 走啦~~
No comments:
Post a Comment