參觀媒體

今日係去兩間媒體參觀
第一站去人民網, 係人民日報既網頁, 由於車程有D遠, 同埋朝頭早都幾塞車下, 所以都係車上補眠


哈哈, 一去到就見到熱烈歡迎啦!!
仲要我一翻俾我D同學聽之後, 佢地個個都勁去影相lor…hoho
之後就有個姐姐走出黎meet我地, 帶我地參觀。
佢個corridor都係貼滿D某某名人黎過參觀, 感覺上都係到曬命lor =.=
li個新聞中心係用黎keep an eye on D電視台, 有D咩消息就可以即刻post上web
之後就入newsroom睇下, 佢個網包羅萬有, 所以都有好多section
仲有共產黨新聞部tim…
之後佢地勁hardsell佢地既「強國論壇」(成個參觀, 起碼有4個人sell過呀!!!)
li個係中國一個討論時事, 社會關注既議題既一個網站, 成日都會請D學者, 官員黎做嘉賓
咁話說呢有一次胡錦濤去左佢地到參觀la wor, 咁呢佢就上li個論壇回應下D問題, 網站D人就話果個鐘有300萬條問題湧入
同埋佢地勁quote胡錦濤既一句話…類似意思係: 我平時好忙, 唔可以日日都上網, 但當我上網既時候, 強國論壇係我其中一個首先會入既網站
仲張li句野大字報咁貼出黎, 不過我唔記得影 (亦都係因為見到既時候佢地未有咁hard sell)
li到係佢地錄節目既地方, D員工係到transcribe緊節目既內容
之後就去左一間房聽presentation, 主要都係曬下自己有幾勁咁
人民網係1997年成立, 原本只係報紙既網上版, 但而家已經發展到多媒體
個姐姐講完又到個總編講…都唔係好記得佢講咩啦, 都係講下人民網有幾好啦
講完就到Q&A…嘩, 我D同學真係好鍾意問, 但係好多問題都好無聊lor
成個過程都係先講中文, 再翻英文, 係咁拖長咁…最後係果間房1個鐘頭20分鐘lor!! 人都癲!!
跟住就上番車去食lunch, 琴日叫我地準備$100, 仲以為係in case我地叫貴左, 點知佢車我地去一個酒店去食$100 lunch buffet lor
都費事影相啦! D野食ok lor, 冇咩特別…係香港我都唔會俾$100呀!
有個女仔好慘, 佢地麥過敏, 唔可以食有豉油既野…結果只可以食幾個炒菜既dishes, 最後嗌人拎碗白飯俾佢…佢好不憤要俾$100

食完飯去左參觀「北京青年報」, 又獲得熱烈歡迎
大家見到li d 公仔都表演得非常興奮結果大家都冇點聽個講解
同我地講解既係一個深圳女仔, 佢好俾心機咁用英文介紹佢地出版既唔同報紙同刊物
之後我地等電梯等左好耐, 大家勁去影無聊相

上到去之後就睇左一個排版既office, 大家都覺得好奇怪, 點解會冇人ga lei, 原來佢地返6pm-1am

又去聽presentation la

去到邊都會派水
今次仲送個公仔背包tim, 大家都勁興奮!!

又係總編講歡迎詞, 推左個深圳女仔上台, 佢翻得好辛苦下lor

跟住係一個副編物體講解下北京青年報既架構, 基本上都係講一次佢地總共有幾多刊物咁

仲有一個負責奧運志願者雜誌既姐姐黎講下野, 叫我地提供資料or投下稿
返左人大之後去左東門搵Elyse, 佢話LI舊石好出名呢

行去食飯, 佢以為有short cut點知衰左, 仲行遠左tim!!

行行下突然有人嗌Lynette, 原來一堆同學仔去Carrefour超市, 差D迷路, 好彩遇到我地wor...haha

去到Carrefour, 佢地勁買野, 真係連枕頭同被都買...唔知佢地做咩

我地就去左food court食飯
粉皮

幾好味, 係涼菜黎, 凍既河粉撈D青瓜絲同麻辣汁
山西刀削麵

佢有幾隻汁揀, 我見LI個有茄子咪揀lor, 不過味道麻麻地。

一開始食覺得凍凍地, 仲以為係D麵過過冷河, 點知原來係D汁凍...都唔明點解唔可以heat住D汁

不過D麵咬落都唔錯既...

之後去左睇功夫熊貓呀, 好好笑呀!!

出黎仲落緊雨...又冇的士, 就慢慢行返去啦, 其實本身唔係好濕, 係Elyse唔知點解成日會搞到我踩水tum...

同埋我地明明係東門出黎, 唔知點解行行下到番西門(我住既地方)