我地坐地鐵去到人民廣場, 之後再行左去一條食野既街, 開始行動!第一間係食老鴨粉絲湯, 佢入面有鴨賢同鴨紅, 加少少豆卜, D粉絲幾好咬
順手叫埋LI個湯包, 夾左一粒食先記得要影相, 哈哈... 都唔錯呀, 皮薄, 湯同肉都幾好味。
下一間就係食排骨年糕叫左個餐, 有排骨年糕+麵筋單播, 我地再加個醬爆魷魚
D年糕又係幾好咬, 個汁就甜甜地。麵筋就係好大塊腐皮咁既野包住一D肉掛...個感覺好似食緊一塊布咁 =.=
魷魚就幾失望, 都係豉油魷魚咁lor
跟住係應該去食生煎包ga...點知條街裝緊修, 間野又冇左...激死...已經係第二次
咁就再去下一間, 叫「小紹興」食白斬雞。
哈哈, 2個人食半隻雞呀!! D雞肉都幾滑, 加埋個薑蔥豉油汁, 如果唔係已經食左兩間, 我諗我地會好快掃晒成碟。
之後我地就去行下啦, 先經過一個商業區, 勁香港feel lor首先有LI個「大上海時代廣場」唔係好明點解要有個「大」字呢。LI到就係拍少林足球既地方啦!
之後仲見到好多熟口熟面既大廈名, 好似力寶, 置地等等...
行下行下就到左去一個景點「新天地」啦, 都係整個地方俾D遊客去下啦。佢有好多露天茶座, 收費好似真係係美國食野咁...結論就係LI到係俾D鬼佬同埋懶高檔既外國人黎gum lor...
比較有特色係佢D橫街小巷
開始無聊發癲啦!
之後就準備去城隍廟果邊行下, 都係睇下野同食下野咁。問左個管理員叔叔, 佢叫我地行向一個方向搭42號巴士啦, 點知去都連站都搵唔到wor. 問左個報紙檔呀姐, 佢又話轉番出去坐932。去到果條街又搵唔到巴士站, 奠非係大陸真係就咁係路邊截車?! 見到932黎啦, 個司機又示意我地去番報紙檔果條街, 今次搵到個站啦, 但發現方向唔岩, 走過對面又冇左932wor...真係唔知佢想點 再後又去番報紙檔呀姐叫我地去果條街, 終於搵到個站啦! 普通車係$1, 冷氣係$2, 果條線全部係冷氣, 不過架車好焗, 衰過冇冷氣呀!!
點解又係食既?!我地去排隊食出名既南翔小籠包。外賣係12蚊16隻呀, 如果上樓食, 就每上高一層就貴一D
佢本身係外賣店隔離有D位俾人坐, 但人太多坐到滿晒, 所以我地走左去廣場果邊食。
勁好view咁食呀!!
我覺得D皮好似冇老鴨果間咁薄, 同埋因為要將佢地放落個外賣dow到, 所以有D個皮爛左...
食飽就去行下啦~
影下相...
要證明自己有去過!!
之後好渴, 帶果樽水又就黎飲晒 (上海野好多味精!!) 咁就去搵野飲
搵黎搵去都係去左starbucks, 有冷氣又可以舒舒服服就坐下、抖下...
其實都係因為我地要等到天黑先去東方明珠果邊睇夜景...
黃昏@明珠塔哈哈...我地li d精明既遊客都係唔會俾錢上去ga la...細個既時候都上過唔同地方既幾個塔, 發現D景都係差唔多...haha...
佢仲有D雜技表現咁...當然又唔岩我地啦
聽講好似有得坐船過對面, 我地就往海邊行啦, 途中經過一個昆蟲博物館...都唔知邊個會去睇D咁既野lor
li個就係河邊...望向外灘有冇覺得好熟面口...個感覺好似尖沙咀!!
真係覺得上海咩都抄香港, 咁不如果時個鐘樓搬黎上海擺咪得lor XD
唔開flash既話個人好黑呀, 差D睇唔到自己係邊。但開左之後就變到真係好夜景咁lor...其實當時個天未有咁黑gar
比較靚既兩座野
回頭又望到東方明珠啦
真係好無聊...
望多一眼之後呢, 我地就走番去坐地鐵, 坐一個站去到南京東路, 又行番去河邊 (聽落好無聊呢)今次真係超多人!! 落tunnel過馬路時真係會俾人夾死咁lor...都唔明點解6月底又唔會假期會有咁多人...
係外灘果邊望過去
外灘果邊既建築物
No comments:
Post a Comment